難以抗拒既滋味小食

通達食店

地址 : 油麻地碧街48號地下

旺角街頭小食就多喇，不過講到好食，就不得不提行過兩步，位於油麻地呢間小食店喇！

最出名既幾樣小食一定要試：

辣魚旦 - 遠處已經聞到佢既辣汁又香又辣，食落口果然一流，食極都唔夠喉！提起都流晒口水呀...


腸粉 - 又香又滑，加埋各種醬汁，有一種講唔出既美味！


餈飯 - 熱辣辣、料又多，入面有肉鬆、炸菜、油炸鬼等材料，飯底夠實夠粘，煙韌好食

除左以上幾樣之外，仲可以試下大大碗既碗仔翅同埋煎釀三寶，加埋杯豆漿，作為一個午餐或下午茶，絶對係大滿足呀！