世外桃園- 鹿頸

夏日炎炎唔想去鬧市同人逼，老豆興起，帶左我地去一個近近地而且人跡罕至既好地方，果度就係好多電視劇拍攝鄉郊外景既「鹿頸」喇！

老豆話五十年前左右，鹿頸係一個繁華既鄉郊，當時有唔少農戶同農田，不過宜家大部份已經荒廢，連果度唯一既學校「啟才學校」都無再收學生喇... 至於海邊，依舊鋪滿好多蠔殼，如果細心睇既話，可以搵到好多未開既生蠔，你睇...... 再望向對面岸，果度已經係深圳既鹽田喇！

除左蠔之外，果度仲有海螺、蟹仔，你睇下呢隻蟹，佢係度晒日光喎！好多平時少見既花花草草、昆蟲同埋牛隻係呢度都可以搵到架！



地方清幽、自然景觀未受破壞既地方真係買少見少架喇，希望鹿頸唔會成為下一個被污染既景點啦！