"挪亞方舟"有幾堅?

挪亞方舟係聖經上一項偉大的工程，所以身為教徒既我地決定去睇下...

果度唔俾人駕車入去，只可由荃灣碼頭($8)或中環碼頭($20)搭船，係柏麗灣落船後，要行成里路先到"方舟"入口... 終於入到去售票處喇，以為買最貴既套票($100)實無錯，一定好多野睇啦，點知......


裏面係有好幾個館，全部都係隻"方舟"上面，包括：方舟多媒體博覽館、方舟生命教育館及珍愛地球館，不過呢d館只可以入一次，出左去就唔可以再入返去架喇，奇怪呢!!果度，只有方舟多媒體博覽館及方舟花園係比較適合成人參觀，而其他館都係適合團體作為教育小朋友或親子活動既；至於宣傳小冊子影出黎最靚最大果部份，最吸引我地果d園景究竟係邊呢?原來果d景全部都係方舟一馬路之隔既"馬灣公園"(唔駛入場費架!!!)，果度以"愛"為主題，亦有唔少自然景睇，適合所有人士參觀，更有準新人到黎影結婚相添!

我地覺得今次呢個方舟之旅門票貴得黎都幾搵笨，早知淨係走入馬灣公園就算啦，二百蚊算係買左個教訓啦!